اَلْهَيْكَلُ [el-heykel] (صَيْقَلٌ [saykal] vezninde) Mutlakan iri ve dızman nesneye denir. Ve gerimli uzun ata denir. Ve kemâlini bulup mikdârınca yoğunlanmış ve uzamış nebâta denir. Ve Nasârâ tâ’ifesine mahsûs şol beyte ve hücreye denir ki onda Meryem ‘aleyhi’s-selâm sûretini vaz’ ederler. Ve Nasârâ’nın manastırlarına da هَيْكَلٌ [heykel] denir; yukâlu: كَأَنَّهُ الرَّاهِبُ فِي هَيْكَلِهِ أَيْ فِي دَيْرِهِ Ve yüksek binâya denir; yukâlu: بِنَاءٌ هَيْكَلٌ أَيْ مُرْتَفِعٌ Ve Heykel b. Câbir ashâbdandır.