اَلْخَرَبُ [el-hareb] (fethateynle) Toy kuşunun erkeğine denir. Ve atın böğründe ürperip kabaran tüylere ve kıllara denir; 'alâ-kavlin dirseğinin ortasında birbirine karışmış tüylere denir. Cem’i أَخْرَابٌ [ahrâb] gelir ve خِرَابٌ [hirâb] ve خِرْبَانٌ [hirbân] gelir hâ’ların kesriyle.

اَلْخَرْبُ [el-harb] (hâ’nın fethi ve râ’nın sükûnuyla) Bu dahi iğne yurdusuna ve mak’ad deliğine denir. Ve خَرَبٌ [hareb] Masdar olur, bir kimsenin kulağı deliğine vurmak ma’nâsınadır; yukâlu: خَرَبَهُ خَرَبًا مِنَ الْبَابِ الثَّانِي اِذَا ضَرَبَ خُرْبَتَهُ Ve bir nesneyi delmek yâhûd yarmak ma’nâsınadır; yukâlu: خَرَبَ الشَّيْءَ اِذَا ثَقَبَهُ أَوْ شَقَّهُ Ve uğru olmak ma’nâsınadır; yukâlu: خَرَبَ فُلاَنٌ اِذَا صَارَ لِصًّا Ve harâb eylemek ma’nâsınadır; yukâlu: خَرَبَ الدَّارَ بِمَعْنَى خَرَّبَهَا Ve خَرَبٌ [hareb] Bir nesneyi hırsızlamak ma’nâsınadır; ke-mâ se-yuzkeru.

اَلْخَرَبُ [el-hareb] (hâ’nın ve râ’nın fethasıyla) Toy dedikleri kuşun erkeği; cem’i اَلْخِرْبَانُ [el-hirbân] hâ’nın kesri ve râ’nın sükûnuyla. Ve أَخْرَبٌ [ahreb]in masdarı dahi gelir. Ve أَخْرَبٌ [ahreb] o nesnedir ki onun yâ şıkkı yâhûd müdevver deliği ola, 'alâ-mâ merre.