اَلْغَامُّ [el-gâmm] ve اَلْمُغِمُّ [el-mugimm] (mîm’in zammıyla) İsm-i fâ’illerdir, غَمٌّ [gamm] gibi pek ıssı vakte denir; yukâlu: يَوْمٌ غَمٌّ وَغَامٌّ وَمُغِمٌّ أَيْ ذُو حَرٍّ أَوْ ذُو غَمٍّ ve yukâlu: لَيْلَةٌ غَمٌّ وَغَمَّى كَحَتَّى وَغَمَّةٌ

اَلْغَمُّ [el-gamm] ve اَلْغَمَّاءُ [el-gammâ’] (gayn’ların fethi ve mîm’lerin teşdîdiyle) ve اَلْغُمَّةُ [el-gummet] (gayn’ın zammıyla) Gussa ve endûh ma’nâsınadır. غَمٌّ [gamm] lafzının cem’i غُمُومٌ [gumûm] gelir; yukâlu: أَخَذَهُ الْغَمُّ وَالْغَمَّاءُ وَالْغُمَّةُ أَيِ الْكَرَبُ Şârih der ki غَمٌّ [gamm] mâddesi setr ve tagti’e ma’nâsına mevzû’dur, hüzn ve endûha ıtlâkı sürûr-ı kalbi setr ettiğine mebnîdir. İntehâ. Ve غَمٌّ [gamm] Masdar olur, bir adamı gussa-nâk eylemek ma’nâsınadır; yukâlu: غَمَّهُ غَمًّا مِنَ الْبَابِ الْأَوَّلِ إِذَا أَحْزَنَهُ Ve dâbbenin ağzına ve burnuna غِمَامَةٌ [gimâmet] geçirmek ma’nâsınadır; yukâlu: غَمَّ الْحِمَارَ وَغَيْرَهُ إِذَا أَلْقَمَ فَمَهُ وَمِنْخَرَيْهِ الْغِمَامَةَ Ve bir nesneyi örtüp bürümek ma’nâsınadır; yukâlu: غَمَّ الشَّيْءَ إِذَا غَطَّاهُ Ve gün ziyâdesiyle ıssı olmak ma’nâsınadır; tekûlu: غَمَّ يَوْمُنَا إِذَا اشْتَدَّ حَرُّهُ Ve غَمٌّ [gamm] Pek ıssı güne ıtlâk olunur ki vasf bi’l-masdardır; yukâlu: يَوْمٌ غَمٌّ وَلَيْلَةٌ غَمٌّ أَيْ ذُو حَرٍّ Ve setr ma’nâsından olarak hilâl sehâb-ı rakîk ile mestûr olmak ma’nâsına müsta’meldir; yukâlu: غُمَّ الْهَلَالُ عَلَى الْمَجْهُولِ إِذَا حَالَ دُونَهُ غَيْمٌ رَقِيقٌ Ve bir haber başı örtülü mübhem ve ser-beste olmak ma’nâsına müsta’meldir; yukâlu: غُمَّ الْخَبَرُ عَلَيْهِ عَلَى الْمَجْهُولِ إِذَا اسْتَعْجَمَ

vulg. gam, s. (pl. غموم) 1. Care, anxiety. 2. Grief; gloom.

اَلْغَمُّ [el-gamm] (gayn’ın fethi ve mîm’in teşdîdiyle) Gussa.

اَلْغُمُومُ [el-gumûm] (zammeteynle) Cem’i, gussalar ma’nâsına. Ve غَمٌّ [gamm] Gussa vermeğe dahi derler; yukâlu: غَمَّهُ فَاغْتَمَّ Ve غَمٌّ [gamm] merkebin ağzın غِمَامَةٌ [gimâmet] ile bağlamağa dahi derler; yukâlu: غَمَمْتُ الْحِمَارَ وَغَيْرَهُ إِذَا أَلْقَمْتَ فَمَهُ وَمُنْخُرَيْهِ الْغِمَامَةَ Ve إِلْقَامٌ [ilkâm] ağız bağlamağa derler. Ve غِمَامَةٌ [gimâmet] 'an-karîb gelir inşâallâhu ta’âlâ. Ve غَمٌّ [gamm] Gün ziyâde ıssı olmağa dahi derler; yukâlu: غَمَّ يَوْمُنَا بِالْفَتْحِ إِذَا كَانَ يَأْخُذُ بِالنَّفْسِ مِنْ حِدَّةِ الْحَرِّ فَهُوَ يَوْمٌ غَمٌّ وَلَيْلَةٌ غَمٌّ أَيْ غَامَّةٌ وُصِفَ بِالْمَصْدَرِ كَمَا تَقُولُ مَاءٌ غَوْرٌ Ve غَمٌّ [gamm] Haber mübhem olmağa dahi derler; yukâlu: غُمَّ عَلَيْهِ الْخَبَرُ عَلَى مَا لَمْ يُسَمَّ فَاعِلُهُ أَيِ اسْتُعْجِمَ