اَلْغَلَقُ [el-galak] (fethateynle) مِغْلَاقٌ [miglâk] ma’nâsınadır ki kapıyı kapayacak mandala ve sürgüye ve kilîde denir; yukâlu: أَغْلَقَ الْبَابَ بِالْغَلَقِ أَيِ الْمِغْلَاقِ وَهُوَ مَا يُغْلَقُ بِهِ الْبَابُ Ve غَلَقٌ [galak] Masdar olur, verdiği karz bedeli yanına vaz’ olunan rehni medyûn vakt-i meşrûtta edâ etmemekle mürtehin o rehne müstehak olmak ma’nâsınadır; yukâlu: غَلِقَ الرَّهْنُ غَلَقًا مِنَ الْبَابِ الرَّابِعِ إِذَا اسْتَحَقَّهُ الْمُرْتَهِنُ وَذَلِكَ إِذَا لَمْ يُفْتَكَكْ فِي الْوَقْتِ الْمَشْرُوطِ Şârih der ki fi’l-i mezbûr ef’âl-i Câhiliyye’den olmakla işbu: “لَا يَغْلَقُ الرَّهْنُ بِمَا فِيهِ” hadîsiyle nehy ve ref’ olundu. Pes غَلَقٌ [galak] fekk-i rehnin zıddı olur. Ve غَلَقٌ [galak] Hurmâ dallarının dipleri kurulanmakla meyve vermekten kalmak ma’nâsınadır; yukâlu: غَلِقَتِ النَّخْلَةُ إِذَا دَوَّدَتْ أُصُولَ سَعَفِهَا فَانْقَطَعَ حَمْلُهَا Ve devenin arkası aslâ onulmayacak vech üzere yağır olmak ma’nâsınadır; yukâlu: غَلِقَ ظَهْرُ الْبَعِيرِ إِذَا دَبِرَ دَبَرًا لَا يَبْرَأُ

اَلْغَلَقُ [el-galak] (fethateynle) İsmdir, ma’nâ-yı mezkûrdan kapı bağlanmak ma’nâsında. Ve ba’zılar غَلَقٌ [galak]ı غَلَقْتُ الْبَابَ غَلَقًا den me’hûzdur dedi, lügat-ı rediyye-i metrûke üzere. Ve غَلَقٌ [galak] Kelîde ve sâ’ir kapı bağlayacak nesneye dahi derler. Ve غَلَقٌ [galak] Mürtehin rehne müstahak olmağa dahi derler; yukâlu: غَلِقَ الرَّهْنُ غَلَقًا إِذَا اسْتَحَقَّهُ الْمُرْتَهِنُ وَذَلِكَ إِذَا لَمْ يُفْتَكَكْ فِي الْوَقْتِ الْمَشْرُوطِ Ve fi’l-hadîsi: “لَا يَغْلَقُ الرَّهْنُ” Ve غَلَقٌ [galk] Devenin arkası cirâhatten beri olmamağa dahi derler; yukâlu: غَلِقَ ظَهْرُ الْبَعِيرِ لِكَثْرَةِ الدَّبَرِ غَلَقًا لَا يَبْرَأُ