اَلضُّلُّ [ed-dull] (dâd’ın zammıyla) Azmağa denir ki zikr olundu. Ve gaybûbet ve fikdân ma’nâsına müsta’meldir; ve minhu’l-meselu: “يَا ضُلَّ مَا تَجْرِي بِهِ الْعَصَا” أَيْ يَا فَقْدَهُ وَيَا تَلَفَهُ Bu meseli ibtidâ melik-i Cezîre olan Cezîme’nin hemşîre-zâdesi 'Amr tekellüm eyledi. Ve عَصَا ['asâ] Cezîme’nin bindiği kısrağın ismidir ki be-gâyet yüğrük idi, vaktâ ki melike-i hîre olan Zebbâ’nın desîsesiyle Cezîme mezbûre tarafına 'âzim ve dâm-ı hîlesine giriftâr oldukta vezîri olan kasîr feres-i merkûmeye binip geriye firâr eyledi, vusûlünde 'Amr, kasîr’i عَصَا [‘asâ] üzere tek ü tenhâ ıraktan gördükte kelâm-ı mezbûru tekellüm eyledi; tevakku’-ı şerr ü şûr ma’rizinde îrâd olunur.