اَلضُّلُّ [ed-dull] (dâd’ın zammıyla) Azmağa denir ki zikr olundu. Ve gaybûbet ve fikdân ma’nâsına müsta’meldir; ve minhu’l-meselu: “يَا ضُلَّ مَا تَجْرِي بِهِ الْعَصَا” أَيْ يَا فَقْدَهُ وَيَا تَلَفَهُ Bu meseli ibtidâ melik-i Cezîre olan Cezîme’nin hemşîre-zâdesi 'Amr tekellüm eyledi. Ve عَصَا ['asâ] Cezîme’nin bindiği kısrağın ismidir ki be-gâyet yüğrük idi, vaktâ ki melike-i hîre olan Zebbâ’nın desîsesiyle Cezîme mezbûre tarafına 'âzim ve dâm-ı hîlesine giriftâr oldukta vezîri olan kasîr feres-i merkûmeye binip geriye firâr eyledi, vusûlünde 'Amr, kasîr’i عَصَا [‘asâ] üzere tek ü tenhâ ıraktan gördükte kelâm-ı mezbûru tekellüm eyledi; tevakku’-ı şerr ü şûr ma’rizinde îrâd olunur.

اَلضُّلُّ [ed-dull] (dâd’ın zammı ve lâm’ın teşdîdiyle) İsmdir, ma’nâ-yı mezkûrdan; minhu kavluhum: هُوَ ضُلُّ بْنُ ضُلٍّ إِذَا كَانَ لَا يُعْرَفُ وَلَا يُعْرَفُ أَبُوهُ وَكَذَالِكَ قَوْلُهُ هُو الضَّلَالُ بْنُ التَّلَالِ Ve تَلَالٌ [telâl] kezâlik ضَلَالٌ [dalâl] ma’nâsın te’yîd eder lafzdır.