اَلْجَوْرُ [el-cevr] (دَوْرٌ [devr] vezninde) عَدْلٌ ['adl] nakîzidir ki zulm ve sitem ma’nâsınadır. Bunda عَلَى ile müte’addî olur; yukâlu: جَارَ عَلَيْهِ يَجُورُ جَوْرًا إِذَا ظَلَمَ وَلَمْ يَعْدِلْ Ve جَوْرٌ [cevr] قَصْدٌ [kasd] mukâbilidir ki câdde-i mu’tedile-i müstakîmeden sapmaktır, gerek hissî ve gerek ma’nevî olsun; yukâlu: جَارَ فُلاَنٌ ضِدُّ قَصَدَ أَيْ مَالَ عَنِ الْقَصْدِ ve yukâlu: جَارَ عَنِ الطَّرِيقِ إِذَا مَالَ Ve جَوْرٌ [cevr] جَائِرٌ [câ’ir] ma’nâsına gelir ki sitem-kâr ve i’tidâl ve câddeden münharif kimselere denir ve bu mübâlagaten vasf bi’l-masdardır; yukâlu: رَجُلٌ جَوْرٌ أَيْ جَائِرٌ Ve جَائِرٌ [câ’ir]in cem’i جَوَرَةٌ [ceveret] gelir, fethateynle ve جُوَرَةٌ [cuveret] gelir cîm’in zammı ve vâv’ın fethiyle ki gayr-i kıyâs üzeredir ve جَارَةٌ [câret] gelir ki ism-i cem’dir yâhûd aslı جَائِرَةٌ [câ’iret]tir, cemâ’at i’tibârıyladır; yukâlu: قَوْمٌ جَوَرَةٌ وَجُوَرَةٌ وَجَارَةٌ أَيْ جَائِرُونَ