اَلشَّعَلُ [eş-şe’al] (fethateynle) ve اَلشُّعْلَةُ [eş-şu’let] (غُرْفَةٌ [gurfet] vezninde) At kısmının kuyruğundan olan beyâza denir; yukâlu: فِي الْفَرَسِ شَعَلٌ وَشُعْلَةٌ وَهُوَ الْبَيَاضُ فِي ذَنَبِهَا Kezâlik perçeminde ve kulakları tozunda olan beyâza denir. Ve شَعَلٌ [şe’al] Masdar olur, atın kuyruğunda yâ perçeminde yâhûd kulağı tozunda beyâz olmak ma’nâsınadır; yukâlu: شَعِلَ الْفَرَسُ شَعَلًا مِنَ الْبَابِ الرَّابِعِ إِذَا كَانَ ذَا شُعْلَةٍ Ve شُعْلَةٌ [şu’let] 'Alevlenmiş odun pâresine denir ki murâd 'alevlenmiş ucu olacaktır, niteki 'alevlenmiş âteş kıt’asına da denir; tekûlu: خُذْ شُعْلَةً مِنْهُ وَهِيَ مَا أَشْعَلْتَ فِيهِ مِنَ الْحَطَبِ Ve âteş 'alevine denir; yukâlu: كَأَنَّهُ شُعْلَةُ النَّارِ أَيْ لَهَبُهَا Cem’i شُعُلٌ [şu’ul] gelir, كُتُبٌ [kutub] vezninde. Şârih der ki savâb olan صُرَدٌ [surad] vezninde olmaktır. Ve شُعْلَةُ [Şu’let] kays b. Sibâ’ın feresi ismidir.

اَلسُّعَالُ [es-su’âl] (sîn’in zammıyla) İsmdir, öksürüğe denir ki akciğerin ve ona muttasıl olan a’zânın ya’nî âlât-ı nefesin kendilere müstevlî olan mûzîyi def’ için tabî’atın hareketinden 'ibârettir; yukâlu: بِهِ سُعَالٌ وَهِيَ حَرَكَةٌ تَدْفَعُ بِهَا الطَّبِيعَةُ أَذًى عَنِ الرِّئَةَ وَالْأَعْضَاءِ الَّتِي تَتَّصِلُ بِهَا Ve سُعَالٌ [su’âl] ve سُعْلَةٌ [su’let] (kezâlik sîn’in zammıyla) Masdar olur, öksürmek ma’nâsına; yukâlu: سَعَلَ الرَّجُلُ سُعَالًا وَسُعْلَةً مِنَ الْبَابِ الْأَوَّلِ إِذَا أَخَذَهُ السُّعَالُ

ثُعْلٌ [su’l] (قُفْلٌ [kufl] vezninde) Necd diyârında bir mevzi’dir. Ve bir böcek ismidir ki ta’affün eden kırbalarda mütekevvin olur. Ve le’îm ve fürû-mâye kimseye denir.

s. (pl. ثعول) An encysted wart that grows between the teats of sheep, cows, and camels. 2. A redundant tooth, growing behind the others.

اَلثَّعَلُ [es-sa’al] (fethateynle) Dişte ziyâdelik olup ve menbitinde ihtilâf olunmağın ba’zı ba’z üzere binmek.

ثُعَلُ [su’al] (sâ’nın zammı ve ‘ayn’ın fethiyle) tayyi’ kabîlesinden bir cemâ’atin adıdır ki babası su’al b. 'Amr’dır.

اَلثُّعْلُ [es-su’l] (sâ’nın zammı ve 'ayn’ın sükûnuyla) Şol kiçirek memebaşıdır ki siğil gibi memebaşları arasında olur, nâkada olur ve koyunda olur; yukâlu fi’t-te’accübi: مَا أَبْيَنَ ثُعْلَ هَذِهِ الشَّاةِ