اَلْوَلْسُ [el-vels] (vâv’ın fethi ve lâm’ın sükûnuyla) ve اَلْوَلَسَانُ [el-velesân] (fetehâtla) Deve kısmı boynunu sündürüp yere döşenerek sür’at ve füshat üzere yürümek ma’nâsınadır ki kızdıkları vaktte o gûne yürürler, o yürüyüşle kat’-ı mesâfe ederler; yukâlu: وَلَسَتِ الْإِبِلُ وَلْسًا وَوَلَسَانًا مِنَ الْبَابِ الثَّانِي إِذَا أَعْنَقَتْ فِي سَيْرِهَا Ve وَلْسٌ [vels] Hud’a ve hıyânet eylemek ma’nâsınadır; yukâlu: وَلَسَهُ إِذَا خَانَهُ وَخَدَعَهُ ve tekûlu: مَا لَهُ فِي هَذَا الْأَمْرِ وَلْسٌ أَيْ خِيَانَةٌ وَخَدِيعَةٌ Ve bir haber ve kelâmı tasrîh etmeyip ta’rîz ve kinâye vechiyle söylemek ma’nâsınadır; yukâlu: وَلَسَ الْحَدِيثَ بِهِ إِذَا عَرَّضَ بِهِ وَلَمْ يُصَرِّحْ