اَلطِّرَاقُ [et-tirâk] (كِتَابٌ [kitâb] vezninde) Zikr olunan koyunun kulağı ortasına basılan damgaya denir. Ve بَيْضَةٌ [beydat] makûlesi nesne eylemek için dökülüp teneke gibi yassılanmış demire denir. Ve kat kat dikilmiş ‘Arab papucunun her katına denir ki papucun endâzesine besberâber ola, kezâlik papucun tekine uygun gelen dîger tekine ıtlâk olunur. Ve mutlakan bir işe uygun gelen işe denir, meselâ bir küpenin teki bir âher küpeye uygun gelmek gibi; yukâlu: هَذَا طِرَاقُهُ أَيْ عَلَى حَذْوِهِ Ve ayakkabının cildine denir ki tasması nez’ olunduktan sonra kalan cildinden 'ibârettir. Ve şol deriye denir ki kalkanın mikdârınca değirmice biçilip kalkana kaplanmış ola. Ve طِرَاقٌ [tirâk] bu ma’nâda mufâ’aleden masdar olur; yukâlu: طَارَقَ التُّرْسَ طِرَاقًا إِذَا قَوَّرَ الْجِلْدَ عَلَى مِقْدَارِهِ فَأَلْزَقَهُ بِهِ