اَلصُّبْرُ [es-Subr] (sâd’ın zammıyla) gassân kabîlesinden bir batn ismidir. Ve صُبْرٌ [subr] ve صُبُرٌ [subur] (zammeteynle) Çakıl taşlı olan arza denir.

اَلصِّبْرُ [es-sibr] (sâd’ın kesri ve bâ’nın sükûnuyla) ve اَلصُّبْرُ [es-subr] (sâd’ın zammı ve bâ’nın sükûnuyla) أَصْبَارٌ [asbâr]ın vâhididir, Ya’kûb, Ferrâ’dan rivâyet ettiği üzere. Ve أَصْبَارٌ [asbâr] Çanağın etrâfına da derler; yukâlu: أَخَذَهَا بِأَصْبَارِهَا أَيْ تَامَّةً بِجَمِيعِهَا Bunun dahi vâhidiصُبْرٌ [subr] gelir, sâd’ın zammı ve bâ’nın sükûnuyla; yukâlu: أَدْهَقْتُ الْكَأْسَ بِأَصْبَارِهَا بِأَصْمَارِهَا أَيْ إِلَى رَأْسِهَا Ve Asma’î eyitti: Kaçan bir kimse kemâliyle şiddete uğrasa لَقِيَهَا بِأَصْبَارِهَا derler. Ve صُبْرٌ [subr] gassân’dan bir cemâ’atin ismidir. Ve صُبْرٌ [subr] Kezâlik بُصْرٌ [busr]un maklûbudur ki بُصْرٌ [busr] bir nesnenin tarafına ve kalınlığına derler. Ve صُبْرٌ [subr] Şol yere derler ki onda ufak taşlar ola ve berk yer olmaya. Bu sebebden أُمُّ صَبَّارٍ [ummu sabbâr] sâd’ın fethi ve bâ’nın teşdîdiyle taşlı yere derler.