اَلسِّتَارُ [es-sitâr] (كِتَابٌ [kitâb] vezninde) Perdeye denir, سِتْرٌ [sitr] ma’nâsına. Cem’i سُتُرٌ [sutur]dur zammeteynle. Ve سِتَارٌ [Sitâr] ‘Âliye’de bir dağın adıdır. Kezâlik Ece’ ve himâ nâm mahallerde birer dağın ismidir. Ve ansâb-ı harem’in üst tarafında bir niçe ثَنَايَا [senâyâ] ya’nî belen ta’bîr olunan burgaç yokuşa ıtlâk olunur, harem ile hill aralığını setr eyledikleri için. Ve diyâr-ı Rebî’a’da iki vâdî ismidir. Ve Suleym kabîlesi yurdunda bir dağın adıdır. Ve Bahreyn kazâsında bir nâhiye adıdır.