اَلثِّلْثُ [es-sils] (sâ’nın kesriyle) Ağacı ve ekini üç günde bir kerre suvarmağa denir ki buna mahsûstur; yukâlu: سَقَى نَخْلَهُ أَوْ زَرْعَهُ الثِّلْثَ أَيْ بَعْدَ الثُّنْيَا يَعْنِي مَرَّةً فِي ثَلاَثَةِ أَيَّامٍ Ve ثِلْثٌ [sils] Nâkanın üçüncü yavrusuna denir. Pes Cevherî’nin وَلاَ يُسْتَعْمَلُ إِلاَّ فِي اْلأَوَّلِ kavli manzûr-fîhtir, lâkin Cevherî ma’nâ-yı evvele hasr eylemeyip belki bu suvarmak ağaç ve ekin kısmına mahsûstur, devâbb suvarmakta isti’mâl olunmaz demekle i’tirâz-ı mezkûr nâ-becâdır. Ve bu i’tirâz ba’zı nüshalardan sâkıttır.

s. 1. A man or beast third born of its mother. 2. A third day or night (first and third included).

اَلثِّلْثُ [es-sils] (sâ’nın kesriyle ve lâm’ın sükûnuyla) Üç günde bir suvarmak min kavlihim: هُوَ يَسْقِي نَخْلَهُ الثِّلْثَ Ya’nî ağacı üç günde bir suvarır. Ve bu suvarma eşcâr kısmına mahsûstur, davar suvarmada ثِلْثٌ [sils] yoktur, zîrâ deve yâ her gün yâ gün aşırı yâ dördüncü gün yâ beşinci gün suvarılır, عِشْرٌ ['işr]e varınca; ya’nî onuncu güne varınca. Pes davar suvarmada رِفْتٌ [rift] [ve] غِبٌّ [gibb] [ve] خِمْسٌ [hims] derler ثِلْثٌ demezler. Ve رِفْتٌ [rift] râ’nın kesriyle her gün suvarmağa ve غِبٌّ [gibb] gayn’ın kesriyle gün aşırı suvarmağa derler.