اَلسَّرَنْجُ [es-serenc] (سَمَنْدٌ [semend] vezninde) San’at envâ’ından bir nev’-i masnû’a ismidir, فُسَيْفِسَاءٌ [fuseyfisâ’] gibi. Ve فُسَيْفِسَاءٌ [fuseyfisâ’] münakkaş tepe camlarına denir. Şârihin beyânına göre se-reng mu’arrebidir ki üç türlü demektir, lâkin ne olduğu ma’lûmumuz olmadı. Ve سَرَنْجٌ [serenc] Bir devâ-yı ma’rûf adıdır ki ba’zen سَيْلَقُونٌ [seylekûn] dahi ıtlâk ederler. Türkîde sülügen dedikleri kırmızı boyadır ki yanmış kalaydan ve kurşundan ma’mûl olur, cirâhate nâfi’dir. Mütercim der ki Fârisîde ona sirinc derler birinc vezninde. Ve zil ta’bîr olunan çalgıya da derler.