اَلسَّنَةُ [es-senet] (sîn’in ve nûn’un fethiyle) Yıla denir, عَامٌ [‘âm] ma’nâsına ki Fârisîde sâl derler; cem’i سِنُونَ [sinûn] gelir ki cem’-i müzekker-i sâlimdir ve سَنَهَاتٌ [senehât] ve سَنَوَاتٌ [senevât] gelir fetehâtla.

Şârih der ki bunda iki kavl vardır: biri kavl hâ’îdir ki aslı سَنَهٌ [seneh]tir ve biri vâvîdir ki aslı سَنَوَهُ [seneveh]tir; سَنَهَاتٌ [senehât] hâ’înin ve سَنَوَاتٌ [senevât] vâvînin cemdir, niteki mü’ellif mu’tell bâbında dahi resm eylemiştir. Ve bu makûle gayr-i ‘âkıl cebren li-noksâni’l-lafz cem’-i 'âkıl ile cem’lenir. Ve sûre-i Kehf tefsîrinde ona müte’allik kelâm-ı nefîs olmakla mürâca’at oluna. Ve سَنَةٌ [senet] Kuraklığa ve kıtlığa ıtlâk olunur, ya’nî onda gâlib-i isti’mâldır; دَابَّةٌ [dâbbet] fereste ve مَالٌ [mâl] devede gâlib olduğu gibi. Bunun da cem’i سِنِينَ [sinîn] ve سَنَوَاتٌ [senevât] gelir. A’râb kaht ve cedb olan seneyi çok zikr edip belki 'indlerinde târîh 'add etmeleriyle isti’mâl gâlib olmuştur; yukâlu: وَقَعُوا فِي سَنَةٍ أَيْ جَدْبٍ Ve kurak yere ıtlâk olunur; yukâlu: أَقَامُوا فِي سَنَةٍ أَيْ أَرْضٍ مُجْدِبَةٍ

s. Drought and barrenness of a season.

اَلثَّنَتُ [es-senet] (fethateynle) Bir nesne bed-râyiha olmak; yukâlu: ثَنِتَ الشَّيْءُ وَاللَّحْمُ أَيْ أَنْتَنَ Ve نَثَتٌ [neset] dahi nûn’un sâ üzerine takdîmiyle bu ma’nâyadır.

اَلسَّنَةُ [es-senet] (fethateynle) Yıl, sâl ma’nâsına. Ve bunun bir harfi nâkıstır ve noksânında iki vech vardır: Biri budur ki nâkıs olan vâv ola. Ve biri dahi budur ki hâ olup aslı سَنَهَةٌ ola, جَبَهَةٌ gibi, zîrâ سَنَهَتِ النَّخْلَةُ وَتَسَنَّهَتْ derler kaçan eskiyip onun üzerine yıllar geçse ve نَخْلَةٌ سَنْهَاءُ derler kaçan bir yıl meyve verse ve bir yıl vermese. Ve ba’zılar eyitti: سَنْهَاءُ [senhâ’] şol hurmâdır ki onu kıtlık yılı za’îf etmiş ola. Ve سَنَةٌ [senet] Kıtlığa dahi derler Ebû 'Ubeyd rivâyeti üzere; yukâlu: أَرْضُ بَنِي فُلَانٍ سَنَةٌ إِذَا كَانَتْ مُجْدِبَةً