اَلصَّوْرُ [es-savr] (دَوْرٌ [devr] vezninde) Seslenmek ma’nâsınadır; yukâlu: صَارَ الرَّجُلُ يَصُورُ صَوْرًا إِذَا صَوَّتَ Ve bir şey’i bir tarafa doğru eğmek, ‘alâ-kavlin eğip düşürmek ma’nâsınadır; yukâlu: صَارَ الشَّيْءَ إِذَا أَمَالَهُ أَوْ هَدَّهُ Kâle fi’l-Esâs صَارَ عُنُقَهُ إِلَيَّ وَتَقُولُ صِرْتُ الْغُصْنَ لِأَجْتَنِيَ الثَّمَرَ Ve bir şey’e imâle-i vech eylemek ma’nâsınadır ki yönelmek ta’bîr olunur; yukâlu: صَارَ وَجْهَهُ إِلَيْهِ يَصُورُهُ وَيَصِيرُهُ إِذَا أَقْبَلَ بِهِ Ve bir nesneyi fasl ve kat’ eylemek ma’nâsınadır; yukâlu: صَارَ الشَّيْءَ إِذَا قَطَعَهُ وَفَصَّلَهُ ve yukâlu: صَارَ الْحَاكِمُ الْحُكْمَ إِذَا قَطَعَهُ وَفَصَّلَهُ Ve صَوْرٌ [savr] İsm olur, hurde ve sagîr hurmâ ağaçlarına ‘alâ-kavlin bir yerde dertop müctemi’ olanlarına denir. Cem’i صِيرَانٌ [sîrân] gelir, نِيرَانٌ [nîrân] vezninde ve bunun müfredi yoktur. Ve nehrin kıyısına denir; yukâlu: قَعَدَ فِي صَوْرِ النَّهْرِ أَيْ شَطِّهِ Ve hurmâ ağacının köküne denir. Ve صَوْرٌ [Savr] Mardin kurbünde bir kal’a adıdır. Ve boynun safhasına ıtlâk olunur; meyl ma’nâsından bi-ma’nâ mef’ûldür; yukâlu: ضَرَبَ صَوْرَهُ أَيْ لِيتَهُ يَعْنِي صَفْحَةَ عُنُقِهِ