اَلصَّدُقَةُ [es-sadukat] (sâd’ın fethi ve dâl’ın zammıyla) ve اَلصُّدْقَةُ [es-sudkat] (غُرْفَةٌ [gurfet] vezninde) ve اَلصَّدْقَةُ [es-sadkat] (تَمْرَةٌ [temret] vezninde) ve اَلصُّدُقَةُ [es-sudukat] (zammeteynle) ve اَلصَّدَقَةُ [es-sadekat] (fethateynle) ve اَلصِّدَاقُ [es-sidâk] (كِتَابٌ [kitâb] vezninde) ve اَلصَّدَاقُ [es-sadâk] (سَحَابٌ [sehâb] vezninde) Zevcenin mehrine denir, kâbîn ma’nâsına. Ve نَدُسَةٌ [neduset] vezninde olan صَدُقَةٌ [sadukat]ın cem’i صَدُقَاتٌ [sadukât] gelir ve صُدْقَةٌ [sudkat]ın ki sâd’ın zammıyladır, صُدْقَاتٌ [sudkât] gelir, kezâlik sâd’ın zammıyladır ve صُدَقَاتٌ [sudekât] gelir sâd’ın zammı ve dâl’ın fethiyle ve صُدُقَاتٌ [sudukât] gelir zammeteynle ki akbah-ı cümû’udur.