اَلرَّسْوُ [er-resv] (حَسْوٌ [hasv] vezninde) ve اَلرُّسُوُّ [er-rusuvv] (عُلُوٌّ ['uluvv] vezninde) Sâbit ve pâyidâr olmak ma’nâsınadır; yukâlu: رَسَا الشَّيْءُ يَرْسُو رَسْوًا وَرُسُوًّا إِذَا ثَبَتَ Ve gemi demir üstünde durmak ma’nâsınadır; yukâlu: رَسَتِ السَّفِينَةُ إِذَا وَقَفَتْ عَلَى الْأَنْجَرِ Ve bir nesneye niyyet eylemek ma’nâsınadır; yukâlu: رَسَا الصَّوْمَ إِذَا نَوَاهُ ve رَسْوٌ [resv] (حَسْوٌ [hasv] vezninde) Bir haberin ve lakırdının ucunu zikr eylemek ma’nâsınadır; yukâlu: رَسَا لَهُ رَسْوًا مِنَ الْحَدِيثِ إِذَا ذَكَرَ طَرَفًا مِنْهُ Ve bir adama isnâd ile ondan bir hadîs ve haber nakl ve rivâyet eylemek ma’nâsınadır; yukâlu: رَسَا عَنْهُ حَدِيثًا إِذَا رَفَعَهُ وَحَدَّثَ بِهِ عَنْهُ Ve çekilecek nâkalar perâkende olmakla arkalarından buğur haykırıp cümlesini durdurmak ve râm eylemek ma’nâsına müsta’meldir; yukâlu: رَسَا الْفَحْلُ بِشَوْلِهِ إِذَا تَفَرَّقَتْ عَنْهُ فَهَدَرَ بِهَا فَرَاعَتْ إِلَيْهِ وَسَكَنَتْ