اَلرَّوَاحُ [er-revâh] ve اَلرَّوَاحَةُ [er-revâhat] (râ’ların fethiyle) ve اَلرَّاحَةُ [er-râhat] ve اَلْمُرَايَحَةُ [el-murâyahat] (mîm’in zammıyla) ve اَلرَّوِيحَةُ [er-revîhat] (سَفِينَةٌ [sefînet] vezninde) Şey’-i mechûle yakîn ve ıttılâ’ tahsîlinden nâşî sürûr ve neşât bulmağa denir. Mü’ellifin serdi ve şârihin beyânı üzere bunlar ism-i masdarlardır. Lâkin مُرَايَحَةٌ [murâyahat] mufâ’ale olmakla zâhiren ism olarak müsta’meldir. Ve رَوَاحٌ [revâh] ve رُؤُوحٌ [ru’ûh] قُعُودٌ [ku’ûd] vezninde ve رَاحٌ [râh] ve رِيَاحَةٌ [riyâhat] كِتَابَةٌ [kitâbet] vezninde ondan masdarlardır; yukâlu: رَاحَ لِذَلِكَ اْلأَمْرِ يَرَاحُ رَوَاحًا وَرُؤُوحًا وَرَاحًا وَرِيَاحَةً مِنَ الْبَابِ الرَّابِعِ إِذَا أَشْرَفَ لَهُ وَفَرِحَ Ve رَوَاحٌ [revâh] Akşam vaktine, 'alâ-kavlin geceye kadar vakte denir ve tekûlu: رُحْنا رَوَاحًا وَتَرَوَّحْنَا أَيْ سِرْنَا فِيهِ أَوْ عَمِلْنَا ke-mâ zukire; ve yukâlu: خَرَجُوا بِرِيَاحٍ مِنَ الْعَشِيِّ وَرَوَاحٍ وَأَرْوَاحٍ أَيْ بِأَوَّلٍ Ve رَوَاحٌ [revâh] رَوْحٌ [revh] gibi vakt-i mezbûrede bir yere gitmek ma’nâsınadır; tekûlu: رُحْتُ الْقَوْمَ وَإِلَيْهِمْ وَعِنْدَهُمْ رَوْحًا وَرَوَاحًا أَيْ ذَهَبْتُ إِلَيْهِمْ رَوَاحًا Ve 'Arablar “o işi ben kolaylıkla işlerim” diyecek yerde أَفْعَلُهُ فِي سَرَاحٍ وَرَوَاحٍ derler, فِي سُهُولَةٍ ma’nâsına.

اَلرَّوَحُ [er-revah] (fethateynle) Vüs’at ma’nâsına. Ve رَوَحٌ [revah] Kezâlik iki ayağın arasında olan vüs’attir. Ve bu فَحَجٌ [fehac]dan ednâdır ki فَحَجٌ [fehac] dahi ayağın arası vâsi’ olmaktır.