اَلنَّوْرُ [en-nevr] (جَوْرٌ [cevr] vezninde) Rûşen ve aydın olmak ma’nâsınadır; yukâlu: نَارَ يَنُورُ نَوْرًا إِذَا أَضَاءَ Ve dâg ve damga vurmak ma’nâsınadır; tekûlu: نُرْتُ الْبَعِيرَ نَوْرًا إِذَا جَعَلْتَ عَلَيْهِ نَارًا أَيْ سِمَةً Ve نَوْرٌ [nevr] نَوْرَةٌ [nevret] ve نَوَارٌ [nevâr] gibi ağacın ve nebâtın çiçeğine denir, زَهْرٌ [zehr] ma’nâsına. ‘Alâ-kavlin beyâz olanına denir, sarısına زَهْرٌ [zehr] denir. Cem’i أَنْوَارٌ [envâr] gelir. Ve نَوْرٌ [nevr] ve نَوَارٌ [nevâr] (nûn’un fethi ve kesriyle) Hatun kısmı bâ’is-i sû’-i zann ve sebeb-i töhmet olan nesneden nüfûr ve perhîz eylemek ma’nâsınadır; yukâlu: نَارَتِ الْمَرْأَةُ نَوْرًا وَنَوَارًا وَنِوَارًا إِذَا نَفَرْتَ مِنَ الرِّيبَةِ Ve bu ma’nâda müte’addî olur, hatunu mevki’-i töhmetten infâr eylemek ma’nâsınadır; yukâlu: نَارَ الْوَاعِظُ الْمَرْأَةَ إِذَا نَفَرَهَا عَنِ الرِّيبَةِ Ve نَوْرٌ [nevr] Cenkte bozulmak ma’nâsınadır; yukâlu: نَارَ الْقَوْمُ نَوْرًا إِذَا انْهَزَمُوا Ve ıraktan âteş görmek ma’nâsınadır; yukâlu: نَارُوا النَّارَ مِنْ بَعِيدٍ إِذَا تَبَصَّرُوهَا