اَلْمُرِدُّ [el-muridd] (ism-i fâ’il bünyesiyle) Şehvet-perest adama denir; yukâlu: رَجُلٌ مُرِدٌّ أَيْ شَبِقٌ Ve dalgası çok denize denir; yukâlu: بَحْرٌ مُرِدٌّ أَيْ مَوَّاجٌ Ve dargın kimseye denir; yukâlu: رَجُلٌ مُرِدٌّ أَيْ غَضْبَانُ Ve 'uzûbet ya’nî ergenliği 'alâ-kavlin gurbet ve seferi müddet-i medîde mütemâdî olmuş adama denir; yukâlu: رَجُلٌ مُرِدٌّ أَيِ الطَّوِيلُ الْعُزُوبَةِ أَوِ الْغُرْبَةِ Ve yaş yerde oturmaktan müte’essir olmakla ferci ve memesi şişip kabarmış olan nâkaya denir; yukâlu: نَاقَةٌ مُرِدٌّ إِذَا كَانَتْ قَدِ انْتَفَخَ ضَرْعُهَا وَحَيَاؤُهَا لِبُرُوكِهَا عَلَى نَدًى Ve büyük memeli koyuna denir; yukâlu: شَاةٌ مُرِدٌّ أَيْ أَضْرَعُ Ve suyu pek çok içmekle şişip ağırlanmış olan erkek deveye denir; yukâlu: جَمَلٌ مُرِدٌّ إِذَا أَكْثَرَ مِنْ شُرْبِ الْمَاءِ فَثَقُلَ Cem’i مَرَادُّ [merâdd] gelir.

اَلْمُرِدُّ [el-muridd] (mîm’in zammı ve râ’nın kesriyle) Memesi büyük olan koyun; yukâlu: أَرَدَّتِ الشَّاةُ وَغَيْرُهَا فَهِيَ مُرِدٌّ إِذَا أَضْرَعَتْ Ve مُرِدٌّ [muridd] Yüzü dürük olan kimseye de derler; yukâlu: جَاءَ فُلَانٌ مُرِدَّ الْوَجْهِ غَضْبَانَ Ve مُرِدٌّ [muridd] Cimâ’a harîs olan kimse, شَبِقٌ [şebik] ma’nâsına. Ve مُرِدٌّ [muridd] Şol denize derler ki mevci çok ola.