اَلْمِغْفَرُ [el-migfer] (مِنْبَرٌ [minber] vezninde) ve اَلْمِغْفَرَةُ [el-migferet] (hâ’yla) ve اَلْغِفَارَةُ [el-gifâret] (كِتَابَةٌ [kitâbet] vezninde) Şol zırh külâhına denir ki baş kisvetinin altından giyilir, ışık ta’bîr olunur. 'Alâ-kavlin başı ve yüzü omuzlara gelince bürüyen zırh külâhına denir ki başa yalnız giyilir, Fârisîde ser-penâh ve Türkîde tolga ta’bîr olunur. Ve مِغْفَرٌ [migfer] ثُمَامٌ [sumâm] makûlesi ağaçlardan hâsıl olan zamka şebîh şıraya denir. Ve غِفَارَةٌ [gifâret] (كِتَابَةٌ [kitâbet] vezninde) Şol hırkaya denir ki nisvân başlarında olan خِمَارٌ [himâr]ı edhândan muhâfaza için telebbüs ederler. Ve kirişe zarar eylemesin diye yayın toncuna sardıkları deri parçasına denir. Ve bir âher sehâb üstünde olan sehâbeye denir. Ve dağın tepesine denir. Ve bir dağın ismidir.