اَلْمِدْرَى [el-midrâ] (mîm’in kesriyle) Tarağa denir, مُشْطٌ [muşt] ma’nâsına. Şârih der ki ümmehât-ı sâ’irede مِدْرَى [midrâ] şol demirden düzülmüş pençe şeklinde küçük parmaklı kaşığa denir ki onunla 'avretler başlarını kaşıyıp saçlarını düzeltirler. İntehâ. Ve مِدْرَى [midrâ] Toplu ve sancak ta’bîr olunan demir ve altın iğneye denir ki hatunlar onunla saçlarını düzeltirler, Fârisîde ser-hâre denir; hâlen mesmû’umuza göre İslâmbol hanımları mücevher iğne ta’bîr ettikleridir. Ve مِدْرَى [midrâ] Boynuza denir قَرْنٌ [karn] ma’nâsına; cem’i مَدَارِي [medârî] gelir, مَجَارِي [mecârî] gibi ve مَدَارَى [medârâ] gelir mîm’in ve râ’nın fethiyle.