اَلْمَدَرُ [el-meder] (mîm’in ve dâl’ın fethiyle) Kuru balçık kıt’alarına denir ki kesek ta’bîr olunur, Fârisîde külûh denir. 'Alâ-kavlin şol özlü yapışkan balçığa denir ki onda kum şâ’ibesi olmaya. Müfredi مَدَرَةٌ [mederet]tir hâ’yla. Ve مَدَرٌ [meder] Şehrlere ve karyelere ıtlâk olunur, ekser-i ebniyeleri مَدَرٌ [meder] ile olduğuna mebnî; niteki hoş-nişînlerin hânelerine وَبَرٌ [veber] ıtlâk olunur, deve tüyünden olduğuna binâ’en; yukâlu: مَا رَأَيْتُ فِي الْوَبَرِ وَالْمَدَرِ مِثْلَهُ أَيْ فِي الْبَدْوِ وَالْحَضَرِ Ve مَدَرٌ [meder] Masdar olur, bir adamın karnı iri ve büyük olmak ma’nâsına; yukâlu: مَدِرَ الرَّجُلُ مَدَرًا مِنَ الْبَابِ الرَّابِعِ إِذَا ضَخُمَ بَطْنُهُ Ve مَدَرٌ [Meder] Yemen’de bir karye adıdır.