اَلْمَخْطُ [el-maht] (mîm’in fethi ve hâ-yı mu’cemenin sükûnuyla) ve اَلْمُخُوطُ [el-muhût] (قُعُودٌ [ku’ûd] vezninde) Ok vurulan nesneye işleyip geçmek ma’nâsınadır; yukâlu: مَخَطَ السَّهْمُ مَخْطًا وَمُخُوطًا مِنَ الْبَابِ الثَّالِثِ وَالْأَوَّلِ إِذَا نَفَذَ Ve kılıç sıyırmak ma’nâsınadır; yukâlu: مَخَطَ السَّيْفَ إِذَا اسْتَلَّهُ Ve sür’atle iletmek ma’nâsınadır; yukâlu: مَخَطَ الْجَمَلُ بِهِ إِذَا أَسْرَعَ Ve bir nesneyi çekip sündürmek ma’nâsınadır; yukâlu: مَخَطَهُ إِذَا نَزَعَهُ وَمَدَّهُ Ve erkek dişiye aşmakta ikdâm eylemek ma’nâsınadır; yukâlu: مَخَطَ الْفَحْلُ النَّاقَةَ إِذَا أَلَحَّ عَلَيْهَا فِي الضِّرَابِ Ve sümkürmek ma’nâsınadır; yukâlu: مَخَطَ الْمُخَاطَ إِذَا رَمَاهُ Ve مَخْطٌ [maht] Devenin yavrusu doğdukta başında geçirili olan غِرْسٌ [girs] dedikleri deriyi ve burnunda geçirili olan سَابِيَاء [sâbiyâ’] dedikleri deriyi sıyırıp gidermek ma’nâsınadır. Bu münâsebetle doğurtan kimseye مَاخِطٌ [mâhit] ıtlâk olunur. Ve bu 'alâka ile bir cemâ’at 'indinde bir nâka doğursa هَذِهِ النَّاقَةُ مَخَطَهَا بَنُو فُلاَنٍ derler, نُتِجَتْ عِنْدَهُمْ ma’nâsına. Kâle’ş-şârih ve fi’l-Esâs: وَيُقَالُ نَحْنُ مَخَطْنَا غِرْسَكَ أَيْ نَحْنُ رَبَّيْنَاكَ وَقُمْنَا عَلَيْكَ وَيُقَالُ هَذَا أَمْرٌ أَنَا مَخَطْتُ غِرْسَهُ أَيْ قُمْتُ بِهِ Ve مَخْطٌ [maht] Kısa sevbe denir. Ve küle denir, رَمَادٌ [remâd] ma’nâsına. Ve sür’atle yürümek ma’nâsınadır; yukâlu: مَخَطَ الرَّجُلُ مَخْطًا إِذَا سَارَ سَرِيعًا Ve veled pederine benzemek ma’nâsınadır; yukâlu: مَخَطَ الْوَلَدُ إِذَا أَشْبَهَ بِأَبِيهِ

اَلْمَحْتُ [el-maht] (mîm’in fethi ve hâ’nın sükûnuyla) Her nesnenin muhkemi; yukâlu: يَوْمٌ مَحْتٌ أَيْ شَدِيدُ الْحَرِّ مِثْلُ الْحَمْتِ ki حَمْتٌ [hamt] dahi şedîdü’l-harr demek olur; yukâlu: مَحُتَ يَوْمُنَا مِنَ الْبَابِ الْخَامِسِ

اَلْمَخْطُ [el-maht] (mîm’in fethi ve hâ’nın sükûnuyla) Koparmak ve çekmek; yukâlu: مَخَطَهُ يَمْخَطُهُ مَخْطًا مِنَ الْبَابِ الثَّالِثِ إِذَا نَزَعَهُ وَمَدَّهُ ve yukâlu: مَخَطَ فِي الْقَوْسِ وَمَخَطَ السَّهْمُ إِذَا مَرَقَ Ya’nî oku geçirse ki مَرَقٌ [merk] râ-i mühmele ile oku bir cânibden öbür cânibe geçirmektir.