اَلْمَشْرِقُ [el-maşrik] (مَجْلِسٌ [meclis] vezninde) Güneş tulû’ edecek semt ve cihete denir ki Fârisîde hâver ve Türkîde gün doğusu ta’bîr olunur. Mü’ellifin Basâ’ir’de beyânına göre مَشْرِقٌ [maşrik] ve مَغْرِبٌ [magrib] lafzları sîga-i ifrâd ile zikr olundukta murâd şark ve garb cihetleridir ve tesniye bünyesiyle zikr olunursa şitâ’ ve sayf matla’ ve magribleri irâde olunur ve cem’ sîgalarıyla zikr olunursa her günün yâhûd her faslın derece-i matla’ u magribi irâde olunur. Ve minhu kavluhu ta’âlâ: ﴿رَبُّ الْمَشْرِقِ وَالْمَغْرِبِ﴾ ve kavluhu ta’âlâ: ﴿رَبُّ الْمَشْرِقَيْنِ وَرَبُّ الْمَغْرِبَيْنِ﴾ ve kavluhu ta’âlâ: ﴿بِرَبِّ الْمَشَارِقِ وَالْمَغَارِبِ﴾ Ve مَشْرِقٌ [Maşrik] Magribde bir dağın ismidir.