اَلْمَضِيرُ [el-medîr] (أَمِيرٌ [emîr] vezninde) ve اَلْمَضِرُ [el-medir] (كَتِفٌ [ketif] vezninde) ve اَلْمَاضِرُ [el-mâdir] Ekşi olup kekremti olan süte denir.

اَلْمَاضِرُ [el-mâdir] (dâd’ın kesriyle) Zikr olunan sıfat üzere olan süt, nitekim el-ân mürûr etti. Ebu’l-Beydâ eyitti: مُضَرُ [mudar] ismi bu ma’nâdan müştaktır ki o Mudar b. Nizâr b. Me’add b. Adnân’dır. Ve ona مُضَرُ حَمْرَاءُ [Mudaru hamrâ’] ve kardeşine رَبِيعَةُ الْفَرَسِ [Rebî’atu’l-Feres] dediler, zîrâ onlar mîrâs bölüştükte Mudar altın aldı. Ve مُضَرُ [mudar] zeheb ma’nâsınadır. Ve ذَهَبٌ [zeheb] mü’ennes olmak i’tibâriyle مُضَرُ حَمْرَاءُ dediler. Ve kardeşi at sürüsin aldığı için رَبِيعَةُ الْفَرَسِ [Rebî’atu’l-Feres] dediler. Ve ba’zılar eyitti: Onların ‘alâmeti hâlet-i harbde kırmızı dülbendleri ve kırmızı sancakları olup ve Ehl-i Yemen için sarı sancak olduğuna binâ’en مُضَرُ حَمْرَاءُ [Mudaru hamrâ’] dediler.

اَلْمَضِيرَةُ [el-medîret] (mîm’in fethi ve dâd’ın kesri ve meddiyle) Şol ta’âmdır ki leben-i مَاضِرٌ [mâdir]den ittihâz olunur. Ve مَاضِرٌ [mâdir] Ekşimeğe yüz tutan süttür, nitekim mürûr etti.