اَلْكِبَرُ [el-kiber] (عِنَبٌ ['ineb] vezninde) ve اَلْكُبْرُ [el-kubr] (kâf’ın zammıyla) ve اَلْكَبَارَةُ [el-kebâret] (جَسَارَةٌ [cesâret] vezninde) Büyük olmak ve büyümek ma’nâsınadır ki küçüklüğün mukâbilidir; yukâlu: كَبُرَ الشَّيْءُ كِبَرًا وَكُبْرًا وَكَبَارَةً مِنَ الْبَابِ الْخَامِسِ نَقِيضُ صَغُرَ Ve ulu ve büzürg olmak ma’nâsınadır; yukâlu: كَبُرَ الشَّيْءُ إِذَا عَظُمَ وَجَسُمَ Ve كِبَرٌ [kiber] (عِنَبٌ ['ineb] vezninde) ve مَكْبِرٌ [mekbir] (مَنْزِلٌ [menzil] vezninde) Yaşlılanmak ma’nâsınadır; yukâlu: كَبِرَ الشَّيْءُ كِبَرًا وَمَكْبِرًا مِنَ الْبَابِ الرَّابِعِ إِذَا طَعَنَ فِي السِّنِّ

اَلْكُبْرُ [el-kubr] (kâf’ın zammı ve bâ’nın sükûnuyla) Nesebde akvâ olan kimse. Ve fi’l-hadîsi: “اَلْوَلَاءُ لِلْكُبْرِ” Ve bunun ma’nâsı budur ki bir kimse vefât edip oğlın ve oğlu oğlın terk etse velâ oğlu içindir ve oğlu oğlu için değildir. Ve mutlakan ziyâdelik ma’nâsına gelir; yukâlu: “كُبْرُ سِيَاسَةِ النَّاسِ فِي الْمَالِ” Ve سِيَاسَةٌ [siyâset] hükûmet ma’nâsınadır.