s. 1. A lute. 2. A cymbal or gong.

اَلْقِرَانُ [el-kirân] (kâf’ın kesriyle) Haccla ‘umrenin mâ-beynin cem’ etmek; tekûlu: قَرَنَ بَيْنَ الْحَجِّ وَالْعُمْرَةِ قِرَانًا Ve قِرَانٌ [kirân] Şol ipe dahi derler ki iki deveyi onda cem’ ederler. Ve قِرَانٌ [kirân] Musâhib olmağa dahi derler; tekûlu: قَارَنْتُهُ قِرَانًا إِذَا صَاحَبْتَهُ Ve قِرَانُ الْكَوَاكِبِ [kirânu’l-kevâkib] dahi bundandır. Ve قِرَانٌ [kirân] İki hurmânın eklde mâ-beynin cem’ etmeğe dahi derler. Ve قِرَانٌ [kirân]Şol oklara dahi derler ki bir kimsenin işi ola. Ve قِرَانٌ [kirân] Ok atışmada iki oku birbirine karîb atmağa dahi derler: يُقَالُ لِلْقَوْمِ إِذَا تَنَاضَلُوا اُذْكُرُوا الْقِرَانَ أَيْ وَالُوا بَيْنَ سَهْمَيْنِ سَهْمَيْنِ Ya’nî her iki okun arasın ulaştırın.

اَلْكِرَانُ [el-kirân] (kâf’ın kesri ile) 'Ûd ki sâz kısmından مُغَنِّيَةٌ [muganniyet] dedikleri âlet-i lehvdir.Gerçi kim Zemahşerî Mukaddime’sinde kopuzdur demiştir, pes sâhib-i surâh’ın “’ûd”u rebâb ile tefsîri münâsib olmaz, zîrâ rebâb meşhûr budur ki kemânçeye derler. Ve ba’zılar كِرَانٌ [kirân] صَنْجٌ [sanc]dır demiştir. Ve صَنْجٌ [sanc] bir ma’rûf sâzdır ki lisân-ı Türkîde çeng derler.