اَلْقِنْطَارُ [el-kintâr] (kâf’ın kesriyle) Tâze 'ûd ağacına denir ki tebhîr olunur. Ve قِنْطَارٌ [kintâr] Evzândandır, kırk ûkiyye altın veznine denir, 'alâ-kavlin bin iki yüz 'aded dînâr yâhûd bin iki yüz ûkiyye altın yâhûd yetmiş bin dînâr yâhûd seksen bin dirhem yâhûd yüz rıtl altın yâhûd o mikdâr gümüş yâhûd bin dînâr yâhûd bir öküz derisinin dolusu altın yâhûd gümüşe ıtlâk olunur.

اَلْقِنْطَارُ [el-kintâr] (kâf’ın kesri ve nûn’un sükûnuyla) Bir nesnedir ki onunla vezn ve 'ayâr ederler. Ve Mu’âz b. Cebel’den rivâyettir ki قِنْطَارٌ [kintâr] bin iki yüz vukiyye ola. Ve ba’zılar eyitti: Yüz yirmi rıtldır ki her rıtl nısf menndirve menn iki yüz altmış dirhemdir. Ve ba’zılar eyitti: Bir sığır derisi dolu altına قِنْطَارٌ [kintâr] derler.Bundan gayrı dahi قِنْطَارٌ [kintâr]ın tefsîrinde çok kelimât olunmuştur, vallâhu a’lemu.