اَلْقَدَمُ [el-kadem] (fethateynle) ve اَلْقُدْمَةُ [el-kudmet] (غُرْفَةٌ [gurfet] vezninde) ve اَلْقِدَمُ [el-kidem] (عِنَبٌ ['ineb] vezninde) Sâbıka fi’l-emr ma’nâsınadır ki bir husûsta sâ’irleri sebk ve takaddümlük eser ve hâletinden 'ibârettir; yukâlu: لَهُ قَدَمٌ وَقُدْمَةٌ وَقِدَمٌ فِي هَذِهِ الْخِدْمَةِ أَيْ سَابِقَةٌ Ve قَدَمٌ [kadem] (fethateynle) Hayr ve birr ve hasene cihetinde derece ve mertebe sâhibi adama denir; mü’ennesi قَدَمَةٌ [kademet]tir; yukâlu: هُوَ قَدَمٌ فِي الْخَيْرِ أَيْ لَهُ مَرْتَبَةٌ فِيهِ Ve ayağa denir, رِجْلٌ [ricl] ma’nâsına. Ve قَدَمٌ [kadem] lafzı mü’ennestir; Cevherî’nin tezkîr ile وَاحِدُ الْأَقْدَامِ ta’bîri sehvdir, savâb olan وَاحِدَةُ الْأَقْدَامِ olmaktır hâ’yla; cem’i أَقْدَامٌ [akdâm] gelir. Şârih der ki 'uzv te’vîliyle tezkîri câ’izdir.