اَلْقَرَهُ [el-kareh] (fethateynle) Bedene 'ârız olan sarımtık kîrlilik 'ârızasına denir ki dişlere 'ârız olan قَلَحٌ [kalah] tarzında olur, safrânın rakîki yâ buhârı bedene yayılmaktan neş’et eder; yukâlu: بِجَسَدِهِ قَرَهٌ وَهُوَ كَالْقَلَحِ فِي الْأَسْنَانِ ve yukâlu: قَرِهَ الرَّجُلُ قَرَهًا مِنَ الْبَابِ الرَّابِعِ إِذَا أَصَابَهُ كَالْقَلَحِ فِي الْأَسْنَانِ Ve gövdenin derisi temregi 'ârızasının kesretinden câ-be-câ çiçek yerleri gibi oylum oylum olmak ma’nâsınadır; yukâlu: قَرِهَ بَدَنُهُ إِذَا تَثَقَّبَ جِلْدُهُ مِنْ كَثْرِ الْقُوَبَاءِ Ve beden şiddet-i darbdan nâşî berelenip göğermek yâhûd derileri sıyrılmak ma’nâsınadır; yukâlu: قَرِهَ بَدَنُهُ إِذَا اسْوَدَّ أَوْ تَقَشَّرَ مِنْ شِدَّةِ الضَّرْبِ