اَلْقَبَلُ [el-kabel] (fethateynle) Şol yüksek yerdir ki mukâbeleye gele; yukâlu: رَأَيْتُ بِذَلِكَ الْقَبَلَ شَخْصًا Ve قَبَلٌ [kabel] فَحَجٌ [fehac] ma’nâsına da gelir. Ve فَحَجٌ [fehac] ayakların burnu birbirine karîb olup ökçeleri birbirinden ırak olmadır. Ve قَبَلٌ [kabel] Hilâl ibtidâ görünmeğe dahi derler; yukâlu: رَأَيْتُ الْهِلَالَ قَبَلًا إِذَا لَمْ يَكُنْ رُئِيَ قَبْلَ ذَلِكَ Ve قَبَلٌ [kabel] Gözün karası burun cânibine ikbâl etmeğe dahi derler; yukâlu: قَبِلَتْ عَيْنُهُ مِنَ الْبَابِ الرَّابِعِ Ve قَبَلٌ [kabel] Deve çeşmede su içerken su devenin başına dökülmeğe dahi derler, deve için su içmeğe yer hâzır bulunmamağın. Ve قَبَلٌ [kabel] Bir nesneyi 'ale’l-fevr söyleyip iyi söylemeğe dahi derler; yukâlu: تَكَلَّمَ فُلَانٌ قَبَلًا فَأَجَادَ وَهُوَ أَنْ يَتَكَلَّمَ وَلَمْ يَسْتَعِدَّ لَهُ Asma’î eyitti: رَجَزْتُهُ قَبَلًا derler, kaçan bî-tevakkuf recez getirse, ya’nî recez bahrinde şi’r söylese. Ve قَبَلٌ [kabel] Kezâlik قَبَلَةٌ [kabelet]in cem’idir. Ve قَبَلَةٌ [kabelet] şol boncuktur ki ağırşağa benzer, onu at boynuna asarlar, efsûn kısmındandır, sâhir olan kimse يَا قَبَلَةُ أَقْبِلِيهِ der. Ve gâh olur onu sâ’ir davarın dahi boynuna asarlar, göz değmesin diye. Ve قَبَلٌ [kabel] مُقَابَلَةً [mukâbelet] ma’nâsına da gelir; yukâlu: رَأَيْتُهُ قَبَلًا وَقِبَلًا أَيْ مُقَابَلَةً وَعِيَانًا