اَلْحُكْمُ [el-hukm] (hâ’nın zammıyla) Kazâ’ ma’nâsına ismdir, şu nesne şöyledir demekten ‘ibârettir;cem’i أَحْكَامٌ [ahkâm]dır. Ve حُكْمٌ [hukm] ve حُكُومَةٌ [hukûmet] Masdar olur, şu nesne şöyledir diye imzâ eylemek ve fasl-ı husûmetle kâdîlık eylemek ma’nâsına; yukâlu: حَكَمَ عَلَيْهِ بِالْأَمْرِ حُكْمًا وَحُكُومَةً مِنَ الْبَابِ الْأَوَّلِ إِذَا قَضَى عَلَيْهِ بِهِ وَكَذَلِكَ يُقَالُ حَكَمَ بَيْنَهُمْ إِذَا قَضَى وَفَصَلَ Ve bu men’ ma’nâsından me’hûzdur. Ve حُكُومَةٌ [hukûmet] İsm olur, أُحْكُومَةٌ [uhkûmet] gibi fasl-ı husûmet ma’nâsına.