اَلْحِرْمُ [el-hirm] (hâ’nın kesriyle) حَرَامٌ [harâm] lafzında lügattır ki حَلَالٌ [helâl] ve مُبَاحٌ [mubâh] mukâbilidir, isti’mâli memnû’ olan nesneden 'ibârettir; cem’i حُرُمٌ [hurum] gelir zammeteynle. Ve حَرِيمٌ [harîm] ve حِرْمَانٌ [hirmân] ma’nâsına masdar olur, ke-mâ se-yuzkeru. Ve وَاجِبٌ [vâcib] ma’nâsına müsta’meldir; ve minhu kavluhu ta’âlâ: “وَحِرْمٌ عَلَى قَرْيَةٍ أَهْلَكْنَاهَا” اَلْآيَة أَيْ وَاجِبٌ Şârih der ki ﴿وَحَرَامٌ﴾ kırâ’atine göre حَرَامٌ [harâm] kendi ma’nâsınadır; lâkin işbu حِرْمٌ kırâ’atına göre Kisâ’î وَاجِبٌ [vâcib] ile tefsîr eyledi. Ve bu mecâzdır.

اَلْحِرْمُ [el-hirm] (hâ’nın kesri ve râ’nın sükûnuyla) Bi-ma’nâhu; ve kuri’e bihi kavluhu ta’âlâ: “وَحِرْمٌ عَلَى قَرْيَةٍ أَهْلَكْنَاهَا” (الأنبياء، 95) Ve Kisâ’î eyitti: Bunun ma’nâsı vâcib demektir.