اَلْخِمْسُ [el-hims] (hâ’nın kesriyle) Deve kısmının susuz kaldığı günlerden bir güne denir ki üç gün otlakta kalıp dördüncü gün suya gelmektir. Şirb-i evvel mahsûbdur, niteki عِشْرٌ [‘işr] mâddesinde dahi böylecedir; yukâlu: اَلْخِمْسُ شَرُّ الْأَظْمَاءِ وَهُوَ أَنْ تَرْعَى ثَلاَثَةَ أَيَّامٍ وَتَرِدَ الرُّبْعَ وَهِيَ إِبِلٌ خَوَامِسُ Ve خِمْسٌ [hims] Bir recül adıdır. Ve Yemen mülûkundan birinin adıdır ki خِمْسٌ [hims] dedikleri kumaşı ibtidâ kendisi için ihtirâ’ eylediler. Ve şol beyâbâna denir ki suyu ba’îd olmakla develerin suya gelmeleri yevm-i şürblerinden başka dördüncü günde ola.