اَلْخَرِعُ [el-hari’] (كَتِفٌ [ketif] vezninde) ve اَلْخَرِيعُ [el-harî’] (أَمِيرٌ [emîr] vezninde) Za’îf ve zebûn adama denir. Ve خَرِعٌ [hari’] 'Amr b. 'Abs nâm şâ’irin lakabıdır ki ‘Avf b. ‘Atiyye’nin ceddidir. Ve خَرِيعٌ [harî’] Sarkık deve dudağına denir; yukâlu: لِلْبَعِيرِ مِشْفَرٌ خَرِيعٌ أَيْ مُتَدَلٍّ Ve خُرَاعٌ [hurâ’] dedikleri 'illete uğramış nâkaya denir; yukâlu: نَاقَةٌ خَرِيعٌ إِذَا كَانَ بِهِ خُرَاعٌ Ve rûspî 'avrete denir; yukâlu: إِمْرَأَةٌ خَرِيعٌ أَيْ فَاجِرَةٌ Ve şol hatuna ve mahbûbeye deni ki ten ve endâmı be-gâyet nerm ve nâzük olmakla tâze nihâl gibi iki tarafa meyelân eder ola ve kılırıp bükülür olur; خَرِيعَةٌ [harî’at] dahi denir hâ’yla; yukâlu: إِمْرَأَةٌ خَرِيعٌ وَخَرِيعَةٌ إِذَا كَانَتْ تَتَثَنَّى لِينًا

اَلْخَرِعُ [el-hari’] (hâ’nın fethi ve râ’nın kesriyle) Za’îf.