اَلْحَمْيُ [el-hamy] (hâ’nın fethi ve mîm’in sükûnuyla) ve اَلْحِمَايَةُ [el-himâyet] (كِتَابَةٌ [kitâbet] vezninde) ve اَلْمَحْمِيَةُ [el-mahmiyet] (مَنْزِلَةٌ [menzilet] vezninde) Bir nesneden mü’ziyâtı men’ ile hıfz eylemek ma’nâsınadır ki korumak ta’bîr olunur; yukâlu: حَمَى الشَّيْءَ يَحْمِيهِ حَمْيًا وَحِمَايَةً وَمَحْمِيَةً إِذَا مَنَعَهُ وَدَفَعَ عَنْهُ Ve حَمْيٌ [hamy] ve حَمِيَّةٌ [hamiyyet] (غَنِيَّةٌ [ganiyyet] vezninde) ve حِمَايَةٌ [himâyet] كِتَابَةٌ [kitâbet] vezninde) ve حَمْوَةٌ [hamvet] (تَمْرَةٌ [temret] vezninde) Otlağı koruyup koru kılmak ma’nâsınadır; yukâlu: حَمَى الْحِمَى حَمْيًا وَحَمِيَّةً وَحِمَايَةً وَحَمْوَةً إِذَا مَنَعَهُ Ve hastaya muzırr nesnelerden perhîz ettirmek ma’nâsınadır; yukâlu: حَمَى الْمَرِيضَ مَا يَضُرُّهُ إِذَا مَنَعَهُ إِيَّاهُ Bunda iki mef’ûle müte’addîdir.