اَلْخَلَصُ [el-halas] (fethateynle) Elde ve ayakta olan kemikler ince filizler gibi çatal çatal kıymıklı şâh şâh olmak ma’nâsınadır. Bu ellerde ve ayaklarda olan ince ince uzun kemiklerde olur ki aralarında cüz’îce etler sokuşturulmuş olur ve Hind tavuklarının baldırları kemikleri dahi bu resme olur; yukâlu: خَلِصَ الْعَظْمُ خَلَصًا مِنَ الْبَابِ الرَّابِعِ إِذَا تَشَظَّى فِي اللَّحْمِ وَذَلِكَ فِي قَصَبِ عِظَامِ الْيَدِ وَالرِّجْلِ Şârih نَشِطَ nüshalarını tahti’e ve تَشَظَّى olmağı imzâ eylemiştir. Ve خَلَصٌ [halas] Bir nev’ sarmaşık otuna denir ki asma gibi ağaçlara sarmaşıp çıkar, be-gâyet hoş-bû ve dâneleri 'akîk olup parıldar; müfredi خَلَصَةٌ [halesat]tır.