اَلْحَاجِرُ [el-hâcir] Şol yüksek arza denir ki ortası alçak ve çukurca ola; yukâlu: أَرْضٌ حَاجِرٌ أَيْ مُرْتَفِعَةٌ وَوَسَطُهَا مُنْخَفِضٌ Ve şol dere ve çay kenârına denir ki yüksekçe ve çaya doğru engebe olmakla suyunu tutup taşra seyelânına mâni’ ola; tekûlu: رَأَيْتُهُ يَقْعُدُ فِي حَاجِرِ الْوَادِي وَهُوَ شَفَتُهُ الَّتِي تُمْسِكُ الْمَاءَ Ve رَمْثٌ [rems] dedikleri nebâtın dâ’iren-mâ-dâr mu’zam olan menbitine denir ki ona mahsûs havzedir. Cem’i حُجْرَانٌ [hucrân] gelir hâ’nın zammıyla, حَائِرٌ [hâ’ir] ve حُورَانٌ [hûrân] ve شَابٌّ [şâbb] ve شُبَّانٌ [şubbân] gibi. Ve حَاجِرٌ [hacir] Bâdiyede huccâc konaklarından bir konak adıdır.