اَلْفِلْقُ [el-filk] (fâ’nın kesri ve fethiyle) Ağzın şıkkına ya’nî bir köşesine denir; tekûlu: كَلَّمَنَي مِنْ فِلْقِ فِيهِ أَيْ مِنْ شِقِّهِ Ya’nî “Bana yarım ağız söyledi.” Ve فِلْقٌ [filk] Âfet ve dâhiyeye ıtlâk olunur. Ve Yemâme’de bir karye adıdır. Ve ta’accüb olunacak emr-i 'acîbe denir; yukâlu: يَأْتِي بِالْفِلْقِ أَيْ بِالْأَمْرِ الْعَجَبِ Ve yarı bölünmüş ağacın bir nısfından düzülmüş yaya denir. Ve iki bölünen çubuğun her şıkkına فِلْقٌ [filk] ıtlâk olunur.