اَلضَّفْرُ [ed-dafr] (حَفْرٌ [hafr] vezninde) Sıçramak ma’nâsınadır; yukâlu: ضَفَرَ الرَّجُلُ ضَفْرًا مِنَ الْبَابِ الثَّانِي إِذَا وَثَبَ Ve saç ve kaytan makûlesini örmek ma’nâsınadır; yukâlu: ضَفَرَ الشَّعْرَ إِذَا نَسَجَ بَعْضَهُ عَلَى بَعْضٍ Ve ip ve urgan bükmek ma’nâsınadır; yukâlu: ضَفَرَ الْحَبْلَ إِذَا فَتَلَهُ Ve yelip yopurmak ma’nâsınadır; yukâlu: ضَفَرَ الرَّجُلُ إِذَا عَدَا وَسَعَى Ve ضَفْرٌ [dafr] Şol örülmüş ipe denir ki onunla deveyi bend ederler; bi-ma’nâ mef’ûldür, cem’i ضُفُورٌ [dufûr] ve ضُفُرٌ [dufur] gelir zammeteynle. Ve bir tutam ve bir deste örülmüş saç ve kıl makûlesine denir ki örgü ta’bîr olunur. Ve şol kumluğa ıtlâk olunur ki etrâftan birikmekle 'azîm olmuş ola, 'alâ-kavlin birbiri üzere sımsıkı yığılıp örülmüş ip gibi müte’akkid olan kumluğa ıtlâk olunur; cem’i ضُفُورٌ [dufûr] gelir. Ve ضَفْرٌ [dafr] Cibsîn ve kireç ve balçıksız yapı yapmak ma’nâsına müsta’meldir; 'arsa-i muhterika kenârına çevrilen duvar gibi ki duvar örmek ta’bîr olunur; yukâlu: ضَفَرَ الْبِنَاءَ إِذَا بَنَاهُ بِحِجَارَةٍ بِلاَ كِلْسٍ وَطِينٍ Ve dâbbenin ağzına 'alef ilkâ eylemek ma’nâsına müsta’meldir; yukâlu: ضَفَرَ الْعَلَفَ فِي فَمِ الدَّابَّةِ إِذَا أَلْقَاهُ Ve saçı biriktirip toplamak ma’nâsınadır; yukâlu: ضَفَرَ الشَّعْرَ فِي رَأْسِهِ إِذَا جَمَعَهُ