اَلْجَنُّ [el-cenn] (cîm’in fethi ve nûn’nun teşdîdiyle) ve اَلْجُنُونُ [el-cunûn] (قُعُودٌ [ku’ûd] vezninde) Bir nesneyi setr ve nihân eylemek ma’nâsınadır; yukâlu: جَنَّهُ اللَّيْلُ وَجَنَّ عَلَيْهِ جَنًّا وَجُنُونًا مِنَ الْبَابِ الْأَوَّلِ إِذَا سَتَرَهُ وَكُلُّ مَا سُتِرَ عَنْكَ فَقَدْ جُنَّ عَنْكَ Mü’ellifin Basâ’ir’de beyânına göre جَنٌّ [cenn] mâddesi setr ma’nâsına mevzû’ olup ma’ânî-i sâ’ire ondan münşa’ibdir. Ve جَنٌّ [cenn] Rahimde cenîn mestûr olmak ma’nâsınadır; yukâlu: جَنَّ الْجَنِينُ فِي الرَّحِمِ جَنًّا مِنَ الْبَابِ الثَّانِي إِذَا اسْتَتَرَ Ve جَنٌّ [cenn] ve جُنُونٌ [cunûn] Delirmek ma’nâsınadır ki 'akl mestûr olur; yukâlu: جُنَّ الرَّجُلُ جَنًّا وَجُنُونًا عَلَى الْمَجْهُولِ إِذَا صَارَ مَجْنُونَا Ve جِنٌّ [cinn] (cîm’in kesriyle) ve جُنُونٌ [cunûn] ve جِنَانٌ [cinân] (كِتَابٌ [kitâb] vezninde) Gece muzlim olmak yâhûd karanu kavuşmak ma’nâsınadır; yukâlu: جَنَّ اللَّيْلُ جِنًّا وَجُنُونًا وَجِنَانًا إِذَا أَظْلَمَ أَوِ اخْتَلَطَتْ ظُلْمَتُهُ ve yukâlu: وَارَاهُ جِنُّ اللَّيْلِ وَجُنُونُهُ وَجِنَانُهُ أَيْ ظُلْمَتُهُ أَوِ اخْتِلَاطُ ظُلْمَتِهِ Ve جُنُونٌ [cunûn] Yerin otları bi’l-cümle çiçek açmak ma’nâsınadır; yukâlu: جُنَّتِ الْأَرْضُ عَلَى الْمَجْهُولِ إِذَا أَخْرَجَتْ زَهْرَهَا وَنَوْرَهَا