اَلْجُفُّ [el-cuff] (cîm’in zammıyla) Hurmâ çiçeğinin kapçığına, 'alâ-kavlin tomurcuğu bürüyen ince zarına denir. Ve deriden düzülmüş kaba denir ki ağzı bağlanmaz ola. Ve جُفٌّ [Cuff] Emîr-i Mısr olan İhşîd Muhammed b. toguç nâm kimsenin ceddi ismidir. Ve şol eski kırbaya denir ki ortasından kesilip kova tarzında olmuş ola. Ve hurmâ kökünden oyulmuş kavataya denir. Ve pîr-i fânîye denir. Ve musallî ile kıble beyninde hâ’il olan sedde denir, mihrâb duvarı gibi. Ve mutlakan içi boş kavuk nesneye denir, oyulmuş cevz ve bâdincân gibi. Ve devâbb ve mevâşîyi görüp gözetip tîmâr ve ıslâhına hüsn-i ihtimâm eden adama denir; yukâlu: هُوَ جُفُّ مَالٍ أَيْ مُصْلِحُهُ