اَلْجُبْلُ [el-cubl] (cîm’in zammı ve bâ’nın sükûnuyla) Nâstan bir cemâ’at.Ve bunda bir niçe lügat vardır, biri zikr olunandır ve biri dahi اَلْجُبُلُ [el-cubul]dur zammeteynle ve biri dahi اَلْجِبْلُ [el-cibl]dir cîm’in kesri ve bâ’nın sükûnuyla ve biri dahi اَلْجِبِلُّ [el-cibill]dir cîm’in ve bâ’nın kesri ve lâm’ın teşdîdiyle ve biri dahi اَلْجُبُلُ [el-cubul]dur zammeteynle ve lâm’ın teşdîdiyle. Ve Bârî ta’âlânın ﴿وَلَقَدْ أَضَلَّ مِنْكُمْ جِبِلًّا كَثِيرًا﴾ (يس، 62) dediği kavli zikr olunan lügât üzere kırâ’at olunmuştur: Evvelki “جُبْلًا” dir, Ebû 'Amr rivâyeti üzeredir.Sânî ki “جُبُلًا” dir, Kisâ’î rivâyeti üzeredir. Sâlis ki “جِبْلًا” dir, A’rec ve 'Îsâ b. ‘Âmr rivâyeti üzeredir.Râbi’ ki “جِبِلًّا” dir, ehl-i Medîne rivâyeti üzeredir. Hâmis ki “جُبُلًّا” dir, hasen ve Ebî İshâk rivâyeti üzeredir.