اَلْجُسُورُ [el-cusûr] (قُعُودٌ [ku’ûd] vezninde) ve اَلْجَسَارَةُ [el-cesâret] (كَرَامَةٌ [kerâmet] vezninde) Buğur nâkaya aşmağı terk eylemek ma’nâsınadır; yukâlu: جَسَرَ الْفَحْلُ جُسُورًا وَجَسَارَةً مِنَ الْبَابِ اْلأَوَّلِ إِذَا تَرَكَ الضِّرَابَ Ve bir adam nâfiz ve dilîr olmak ma’nâsınadır ki yürekli olmakla bir nesneden gözünü sakınmayıp ona saldırır olmaktan ‘ibârettir; yukâlu: جَسَرَ الرَّجُلُ إِذَا مَضَى وَنَفَذَ Ve kat’-ı mefâze eylemek ya’nî beyâbânı köprü gibi geçip gitmek ma’nâsına müsta’meldir; yukâlu: جَسَرَتِ الرِّكَابُ الْمَفَازَةَ إِذَا عَبَرَتْهَا Ve bir yere köprü kurmak ma’nâsınadır; yukâlu: جَسَرَ الرَّجُلُ إِذَا عَقَدَ جَسْرًا