اَلْبُنْكُ [el-bunk] (bâ’nın zammıyla) Bir şey’in aslına yâhûd hâlisine denir; yukâlu: هُوَ بُنْكُهُ أَيْ أَصْلُهُ أَوْ خَالِصُهُ Şârih der ki bun-i Fârisî mu’arrebidir ki bir nesnenin aslına ve köküne denir. Ve بُنْكٌ [bunk] Geceden bir sâ’ate denir; yukâlu: مَضَى بُنْكٌ مِنَ اللَّيْلِ أَيْ سَاعَةٌ مِنْهُ Ve bir türlü tîb-i ma’rûf adıdır. Tuhfe sâhibinin beyânına göre بُنْكٌ [bunk] tut ağacı kabuğuna şebîh râyihası güzel bir gûne kabuktur. ba’zılar mugaylân-ı Yemenî ağacının kabuğudur dediler ve bu 'ıtriyyâttandır.

اَلْبُنْكُ [el-bunk] (bâ’nın zammı ve nûn’un sükûnuyla) Asl ma’nâsına, mu’arrebdir ki lisân-ı Fârisîde “bun” asla ve köke derler; yukâlu: هَؤُلَاءِ مِنْ بُنْكِ الْأَرْضِ Ve بُنْكٌ [bunk] Bir ma’rûf tîbin dahi ismidir, 'Arabiyyü’l-asldır, İbn Dureyd rivâyeti üzere.