اَلْبَزُّ [el-bezz] (bâ’nın fethi ve zây’ın şeddesiyle) Mutlak siyâba ya’nî libâs mâddesine denir ki lisânımızda dahi bez ta’bîr olunur, ‘alâ-kâvlin siyâbdan ve siyâb makûlesinden olan ev metâ’ına denir; yukâlu: خَرَجَ زَيْدٌ وَعَلَيْهِ الْبَزُّ أَيِ الثِّيَابُ أَوْ مَتَاعُ الْبَيْتِ مِنَ الثِّيَابِ وَنَحْوِهَا Ve بَزٌّ [bezz] Silâha denir, kılıç ve zırh gibi; yukâlu: غَزَا فِي بَزٍّ كَامِلٍ أَيْ سِلاَحٍ Ve بَزٌّ [bezz] ve بِزِّيزَى [bizzîzâ] (خِلِّيفَى [hillîfâ] vezninde) Masdar olurlar, gâlib olmak ma’nâsınadır; yukâlu: بَزَّهُ بَزًّا وَبِزِّيزَى إِذَا غَلَبَهُ Ve bir nesneyi bir kimseden nez’ ve selb eylemek ma’nâsınadır; yukâlu: بَزَّ ثَوْبَهُ إِذَا نَزَعَهُ وَسَلَبَهُ Ve bir nesneyi bir adamdan kahr ve cefâ ile ahz eylemek ma’nâsınadır; yukâlu: بَزَّ الشَّيْءُ مِنْهُ إِذَا أَخَذَهُ بِجَفَاءٍ وَقَهْرِ Ve بَزٌّ [Bezz] 'Irâk’ta bir karye adıdır. Ve hآخِرُ الْبَزِّ عَلَى الْقَلُوصِh meseli hخ،ت،عh mâddesinde mersûmdur. Ve بَزُّ النَّهْرِ [bezzu’n-nehr] Çayın nihâyetine denir.