(f. i.) : 1) tıraş eden, saç kesen kimse. 2) Afrika’nın kuzeyinde bulunan bir kavim.

i. Traş etmek ve saç kesmek sanatını icra eden adam. [tarz-ı kadîm üzere icrâ-i sanat edenlere bu ismi tahsîsle yeni usûlde icrâ edenlerine [per ü kâr demek abestir]

بَرْبَرٌ [Berber] (عَرْعَرٌ [‘ar’ar] vezninde) Nâstan bir cîl ya’nî bir tâ’ife-i mahsûsa isimdir. Cem’i بَرَابِرَةٌ [berâbiret]tir, hâ’ izâle-i ‘ucme içindir. Tâ’ife-i mezbûre Magrib-zemîn’de olurlar. Ve onlardan başka bir tâ’ifeye dahi بَرْبَرٌ [Berber] ıtlâk olunur ki habeş ile Zengibâr miyânında sâkin olurlar. Tezevvüc murâd ettiklerinde dest-res oldukları ricâlin âlâtını kat’ edip mahtûbalarına bedel-i nikâh olmak üzere 'arz ve 'add ederler. Bunların cümlesi kays-ı 'Aylân neslindendir. 'Alâ-kavlin fi’l-asl bunlar himyer kabîlesinden iki batn idi ki birine Sinhâce ve birine Kutâme derler idi. Afrîkaş nâm pâdişâh, Magrib-zemîn’e sefer edip İfrîkiyye nâm beldeyi feth eylediği hengâmda mezbûrlar mevkib-i şâhide bi’l-ma’iyye Berber-zemîn’e 'azîmet ve müşârün’ileyhin 'avdetinden sonra kendiler orada ikâmet eylediler. Ebû Sa’îd Sâbik ve Meymûn Mevlâ 'Affân ve Muhammed b. Mûsâ ve 'Abdullâh b. Muhammed ve hasan b. Sa’d el-Berberiyyûn muhaddislerdir. Ve بَرْبَرٌ [Berber] Bir mutrib ve mugannî ismidir.