اَلْعَضْمُ [el-'adm] ('ayn’ın fethi ve dâd-ı mu’cemenin sükûnuyla) Şol yassı ağaçtır ki onun başına saban demiri korlar çift sürmek için. Ve عَضْمٌ ['adm] Şol ağaca dahi derler ki ucunda parmakları vardır, onunla buğdayı pâk etmek için harman savururlar. Ve عَضْمٌ ['adm] Yay kabzasına dahi derler. Ve عَضْمٌ ['adm] Deve kuyruğu dibine dahi derler ki kuyruk bittiği yerdir. Ve sâhib-i surâh zamm-ı 'ayn ile kayd edip kabza ma’nâsına olandan fark etmiştir, hâlâ ki sâhib-i kâmûs’un ve gayrın kelâmından fehm olunan ikisinde dahi 'ayn meftûh olmaktır.